सोमबार नेप्सेमा ३७.७० अंकको बृद्धि
काठमाडौं, १९ माघ । यो साताको दोस्रो कारोबार दिन सोमबार (आज) शेयर बजार परिसूचक नेप्से ३७.७० अंकले बढेर २४०८.२४ विन्दुमा पुगेको छ । नेप्से बढेको दिन आज २ सय ३ कम्पनीको ६ अर्ब ९७ करोड रुपैयाँ बढीको शेयर कारोबार भएको छ।
हिजो नेप्से ५४ अंकले घटेको थियो ।
कारोबारमा आएका १२ समूह मध्ये माइक्रोफाइनान्स र म्यूचुअल फन्ड समूहमा गिरावट आएपनि अन्य सबै बढेको छ । माइक्रोफाइनान्स समूहमा २७.८१ अंकले घटेको छ ।
आज सेञ्चुरी कमर्सियल बैंक र प्रोग्रेशिभ फाइनान्सका लगानीकर्ताहरुले सबैभन्दा धेरै कमाएका छन् । यी दुई वित्तीय संस्थाको शेयर मूल्य १० प्रतिशतले बढेको छ । गुमाउने कम्पनीहरुको अग्रस्थानमा भने कालिका माइक्रोक्रेडिट विकास बैंक रहेको छ । यस बैंकको शेयर मूल्य ७.२४ अंकले घटेको छ ।
यस्तै सबैभन्दा धेरै शेयर कारोबार भने नेपाल पुनर्बीमा कम्पनीको भएको छ। आज कम्पनीको ५८ करोड ३३ लाख ७७ हजार रुपैयाँको शेयर कारोबार भएको छ। कम्पनीको शेयर प्रतिकित्ता १ हजार ६ सय १७ रुपैयाँ कायम भएको छ ।
