कोभिडका कारण रोकिएको हिमालयन एयरलाइन्सको काठमाडौं–दुबई उडान पुनः सुचारु
काठमाडौं, ५ फागुन । कोभिड–१९ महामारीका कारण रोकिएको हिमालय एयरलाइन्सको दुबई उडान पुनः सुचारु भएको छ । दुबई उडान अब साताको तीन पटक हुने कम्पनीले जनाएको छ।
एयरलाइन्सको काठमाडौं–दुबई–काठमाडौं उडान युएईको कोभिड १९ सुरक्षा मापदण्ड पालना गर्दै यात्रु आवागमन खुकुलो बनाएसँगै सुरु गर्न लागेको जनाएको हो । काठमाडौंबाट हरेक आइतबार, मंगलबार र बिहिबार दुबई उडान भर्ने छ भने दुबईबाट सोमबार, मंगलबार र बिहिबार काठमाडौं उडान भर्ने छ ।
लामो समयपछि हुन लागेको दुबई उडानको अवसरमा हिमालय एयरलाइन्सका अध्यक्ष झोउ इंयोङले पहिलो तीनजना यात्रुलाई विशेष उपहार र बोर्डिङ पास दिएर बिदा गरेका थिए ।
