बैंक अफ काठमाण्डूद्वारा पूर्वतर्फ जाने बसमा क्युआर कोड सेवा सुरु

काठमाडौं, २८ फागुन । बैंक अफ काठमाण्डू लिमिटेडले डिजिटल कारोबार गर्न विभिन्न बस सेवा सञ्चालक कम्पनीहरुसँग सम्झौता गरेको छ । बैंकले भाडावापतको शूल्क क्युआर कोडमार्फत भुक्तानी गर्न पूर्वी नेपाल यातायात, कंकाई माई पाथीभरा यातायात र सुपर जनसेवा यातायात समितिद्वारा सञ्चालित बसहरुमा सम्झौता गरेको हो । हाललाई काठमाडौंबाट नेपालको पूर्वी भेगतर्फ जाने २२ वटा बसहरुमा .भाडा संकलन क्युआर कोडमार्फत गर्न सकिने व्यवस्था गरिएको बैंकले जनाएको छ ।

उक्त कार्यक्रममा बैंक अफ काठमाण्डू लिमिटेडको प्रदेश नं. १ प्रादेशिक कार्यालय प्रमुख रवि काफ्लेले सम्बन्धित यातायात समितिका प्रतिनिधीहरुलाई क्युआर कोड हस्तान्तरण गरे ।
हाल बैंकले ९० शाखा कार्यालय, ७८ वटा एटीएम र १० एक्स्टेन्सन काउन्टरमार्फत सेवा दिँदै आएको छ ।