सन्राईज ब्लुचिप फण्डको इकाई बाँडफाड, ३० लाख इकाईसम्म माग गर्ने ५३ हजार १७९ जनाले माग अनुसार पाए
काठमाडौं, १३ चैत । सन्राइज सामुहिक लगानी कोषअन्तर्गत सञ्चालन हुने सनराईज ब्लुचिप फण्ड स्किमको इकाई बाँडफाँड भएको छ । शुक्रबार सनराईज बैंक लिमिटेड लगायत अन्य प्रतिनिधिहरुको उपस्थितिमा सनराईज क्यापिटल लिमिटडमा इकाई बाँडफाँड गरिएको हो ।
प्रति इकाई १० रुपैयाँ अंकित दरको १० करोड इकाई चैत १ गतेदेखि ८ गतेसम्म बिक्री खुल्ला गरिएको थियो । जसमा सर्वसाधारणतर्फ १० रुपैयाँ अंकित दरको ८ करोड ५० लाख इकाई निष्काशन गरेको थियो ।
१०० इकाईदेखि ३० लाख इकाईसम्म माग गर्ने ५३ हजार १७९ जना आवेदकहरुलाई माग बमोजिम बाँडफाँड गरिएको छ । ५० लाख माग गर्ने ४ जना आवेदकहरुलाई ४६ लाख ५ हजार २६ इकाईको दरले र १ करोड इकाई माग गर्ने २ जना आवेदकलाई ४६ लाख ५ हजार २८ इकाईका बाँडफाँड गरिएको छ ।
