Date

बुध, बैशाख २६, २०८१
Wed, May 8, 2024

बढ्यो विदेशी पर्यटक आगमन

बढ्यो विदेशी पर्यटक आगमन

काठमाडौं, २० चैत । मुलुकमा विदेशी पर्यटक आगमन मासिक रूपमा बढ्दै गएको छ । सन् २०२१ को मार्च महिनामा १४ हजार ९७७ विदेशी पर्यटक नेपाल आएका छन् । यससँगै सन् २०२१ को तीन महिना अवधिमा आएका पर्यटकको संख्या करिब ३३ हजार पुगेको छ ।

वर्षको पहिलो तीन महिनामा कुल ३२ हजार ९९७ पर्यटक नेपाल आएका छन् । जनवरीमा ८ हजार ८७४ र फेब्रुअरीमा ९ हजार १४६ पर्यटकले नेपाल भ्रमण गरेका छन् । अध्यागमन विभागले नेपाल पर्यटन बोर्डलाई उपलब्ध गराएको तथ्यांकअनुसार मार्चमा ११ हजार २०० पुरुष, तीन हजार ३६३ महिला र १२ अन्य लिङ्गी पर्यटक नेपाल आएका छन् ।

तुलनात्मक रुपमा यो संख्या सन् २०२० को तुलनामा ५५ दशमलव ५८ प्रतिशत काम हो । सो अवधिमा ३४ हजार २५ पर्यटक नेपाल आएका थिए । यस्तै सन् २०१९ को तुलनामा ८८ दशमलव २४ प्रतिशतले कमी हो । सन् २०१९मा एक लाख २७ हजार ३१५ विदेशी पर्यटकले नेपाल भ्रमण गरेका थिए ।

मार्चमा भारतबाट सबैभन्दा धेरै सात हजार ६५८ पर्यटक नेपाल आएका छन् । अमेरिकाबाट एक हजार ७०३ पर्यटक आएका छन् । चीनबाट एक हजार २०७ पर्यटक आएका छन् । बेलायतबाट ६६५ र बङ्गलादेशबाट ५६८ पर्यटक नेपाल आएका छन् ।

वसन्तयामको आरोहण चलिरहेकाले अहिले अधिक सङ्ख्यामा विदेशी नेपाल आउनुले कोभिडपछिको पर्यटनलाई चलायमान बनाउन सकारात्मक प्रभाव पर्ने बोर्डको अनुमान छ । बोर्डका प्रवक्ता मणि लामिछानेले क्रमशः विदेशी पर्यटकको आगमन वृद्धिले पर्यटन क्षेत्रमा सकारात्मक संकेत देखिएको र यसले समग्र पर्यटन क्षेत्रलाई उत्साहित तुल्याएको बताए ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x