१० अर्ब बराबरको ट्रेजरी बिल विक्री गर्दै राष्ट्र बैंक
काठमाडौं, ३० चैत । नेपाल राष्ट्र बैंकले आज (सोमवार) १० अर्ब २५ करोड बराबरको ट्रेजरी बिल विक्री गर्ने भएको छ । केन्द्रीय बैंकले एक सूचना मार्फत उक्त परिमाणको ट्रेजरी बिल विक्री गर्न लागिएको जानकारी दिएको छ ।
त्यसमा ८ अर्ब बराबरको ट्रेजरी बिल भने ९१ दिने अवधिको रहेको छ । सो बिल आगामी असार २९ गते परिपक्व हुनेछ । यस्तै २ अर्ब २५ करोडको ट्रेजरी बिल भने १८२ दिनका लागि हो । सो बिल आगामी असोज २६ गते परिपक्व हुनेछ ।
बैंकले यसअघि यही चैत २३ गतेसमेत २१ अर्ब १० करोड बराबरको ट्रेजरी बिल विक्री गरेको थियो ।
