काठमाडौं उपत्यकामा १६ गतेदेखि निषेधाज्ञा, अत्यावश्यक बाहेकका सेवा बन्द हुने
काठमाडौं, १३ वैशाख । काठमाडौं उपत्यकामा वैशाख १६ गतेदेखि निषेधाज्ञा लागू हुने भएको छ । कोभिड महामारी भयावह बन्दै गएपछि नियन्त्रणका लागि काठमाडौं, भक्तपुर र ललितपुरका प्रमुख जिल्ला अधिकारीहरूबीच सोमवार बसेको बैठकले निषेधाज्ञा लगाउने निर्णय गरेको हो ।
‘
बैठक स्रोतका अनुसार वैशाख १६ देखि उपत्यकामा अत्यावश्यक बाहेकका सबै सेवा बन्द हुनेछन्, जसअन्तर्गत सार्वजनिक एवं निजी सवारीसाधन सञ्चालनमा पनि रोक लगाइनेछ । एम्बुलेन्स, शव वाहन, दमकल, कूनीतिक नियोग, प्रेसलगायतका सवारीसाधन पनि चल्न पाउनेछन् । बैठकले अत्यावश्यक काममा बाहेक बाहिर हिँडडुल गर्न समेत रोक निषेध गर्ने निर्णय गरेको छ ।
उपभोक्ताको दिनचर्यालाई ध्यानमा राख्दै खाद्यान्न, तरकारी, दूधलगायत दैनिक उपभोग्य वस्तुहरूका लागि बजार खुला गरिनेछ। ‘होटल र रेष्टुरेन्टले होम डेलिभरी मात्र गर्न पाउनेछन् । यस्तैसरकारी कार्यालय खुल्नेछन् भने बैंक तथा वित्तीय संस्था क्षमताको आधा जनशक्ति राखेर सञ्चालन गर्न पाउने बताइएको छ ।
