शेयर कारोबार रकममा नयाँ रेकर्ड, एकै दिन १३ अर्ब १७ करोडको कारोबार
काठमाडौं, १० जेठ । यो साताको दोस्रो कारोबार दिन सोमबार (आज) शेयर बजार परिसूचक नेप्से झिनो अंकले मात्र बढेर बन्द भएको छ । नेप्से ३. ०७ अंकले बढेर २८२३.०६ विन्दुमा रोकिएको छ ।
कारोबारमा आएका १३ समूहमा ५ समूहको सूचक बढेपनि बाँकी अरु सबै घटेको छ ।
यस्तै परिसूचक थोरै मात्र बढेपनि कारोबार भने उत्साहजन छ । आज २ सय १६ कम्पनीको १३ अर्ब १७ करोड रुपैयाँ बराबरको शेयर कारोबार भएको छ । यो हालसम्मकै धेरै हो । त्यसमा हाइड्रो इलेक्ट्रिसिटी इन्भेष्टमेन्ट एन्ड डेभलपमेन्ट कम्पनीको हिस्सा सबैभन्दा धेरै छ । यो कम्पनीको १ अर्ब २६ करोड रुपैयाँ बढीको शेयर काराबार भएको छ। दोस्रोमा नेको इन्स्योरेन्स छ । यसको पनि ३७ करोड रुपैयाँको कारोबार भएको छ ।
पछिल्लो समय वित्तीय प्रणालीमा रहेको अधिक तरलता, सस्तो ब्याजदर र कोरोना संक्रमणले अन्य लगानीका क्षेत्रहरु खुम्चिदा शेयर बजारमा लगानीकर्ताको आकर्षण देखिएको हो ।
यस्तै आज सबैभन्दा धेरै शेयर मूल्य बढ्ने कम्पनीमा बरुण हाइड्रोपावर छ । यो कम्पनीको शेयर मूल्यमा ९.९५ प्रतिशतको बृद्धि भएको छ भने दोस्रोमा युनाइटेड इदी मर्दी छ । सबैभन्दा धेरै गुमाउनेमा एक्सेल डेभलपमेन्ट बैंक रहेको छ । बैंकको शेयर मूल्यमा भने ४.६२ प्रतिशतले गिरावट आएको छ ।
