शेयर कारोबार रकममा पुनः नयाँ रेकर्ड, १७ अर्बभन्दा बढीको शेयर कारोबार
काठमाडौं, १६ जेठ । साताको पहिलो कारोबार दिन आइतबार (आज) १७ अर्ब २ करोड ८४ लाख रुपैयाँभन्दा बढीको शेयर कारोबार भएको छ । गत कारोबार दिन बिहीबार करिब १५ अर्ब रुपैयाँको शेयर कारोबार भएकोमा यस दिन करोबार रकम २ अर्बभन्दा बढीले वृद्धि भएको हो ।
आज नेप्से परिसूचक १२.५४ अंकले वृद्धि भएर २८२७.९३ विन्दुमा रोकिएको हो । २१९ कम्पनीको ४ करोड २६ लाख ३६ हजार ३४८ कित्ता शेयर खरिद विक्री भएको छ । आज सेन्सेटिभ इन्डेक्स पनि ३.३५ अंकले वृद्धि भएर ५०७.०५ विन्दुमा पुगेको छ ।
आज कारोबारमा आएका १३ समूहमध्ये ६ वटा समूहको परिसूचक घटेको छ भने बाँकी समूहको परिसूचक वृद्धि भएको छ । आज विकास बैंक समूहको परिसूचक सर्वाधिक वृद्धि भएको छ । यो समूहको परिसूचक ७.३९ प्रतिशतले वृद्धि भएको छ ।
सर्वाधिक शेयर मूल्य वृद्धि ज्योति विकास बैंक लिमिटेडको भएको छ । यो कम्पनीको शेयर मूल्य १० प्रतिशतले वृद्धि भएको छ । आज यो बैंकको शेयर मूल्य ३६३ रुपैयाँ भएको छ ।
