बुधबार सुनको मूल्य घट्यो

काठमाडौं, ९ असार । स्थानीय बजारमा बुधबार सुनको मूल्य घटेर कारोबार भएको छ । सोमबार र मंगलबार लगातार वृद्धि भएको सुनको मूल्य बुधबार ३०० रुपैयाँ घटेर कारोबार भएको नेपाल सुन चाँदी व्यवसायी महासंघले जनाएको छ ।

आज छापावाला सुन प्रतितोला ९० हजार ७०० रुपैयाँमा खरिद विक्री भयरहेको महासंघले जनाएको छ । गत कारोबार दिन सुन प्रतितोला ९१ हजार रुपैयाँमा खरिद विक्री भएको थियो ।

आज चाँदीको मूल्य पनि घटेको छ । मंगलबार चाँदी प्रतितोला १ हजार ३०० रुपैयाँमा खरिद विक्री भएकोमा आज ५ रुपैयाँ घटेर खरिद विक्री भएको हो ।