चामल आयातको वार्षिक वृद्धि ५६ प्रतिशत, ११ महिनामै ४८ अर्बको पैठारी

काठमाडौं, १७ असार । खाद्यान्नको आयात प्रतिस्थापन हुनेगरी उत्पादन तथा उत्पादकत्व बढ्न नसक्दा यस्ता वस्तुमा नेपालको परनिर्भता चुलिँदै गएको छ । दैनिक उपभोग्य प्रमुख खाद्यान्नको आयातकै लागि वर्षेनि अर्बौं रुपैयाँ बाहिरिँदा मुलुकको वैदेशिक व्यापार घाटा डरलाग्दो रूपमा बढेको छ भने आम उपभोक्ताको भान्छा महँगिँदै गएको छ ।

भन्सार विभाग र व्यापार तथा निकासी प्रवद्र्धन केन्द्रको तथ्यांक अनुसार चालू आर्थिक वर्षको ११ महिना अवधिमा नेपालले चामल मात्रै ४८ अर्बभन्दा बढीको आयात गरेको छ । प्रमुख आयात गन्तव्य मुलुकहरू भारत, अमेरिका र चीनबाट सो अवधिमा कुल ४८ अर्ब १६ करोड २३ लाख रुपैयाँ बराबरको चामल आयात भएको तथ्यांकले देखाएको छ, जुन गतवर्षको तुलनामा ५६.२ प्रतिशत बढी हो । गत आवको सोही अवधिमा ३० अर्ब ८२ करोड ५८ लाख रुपैयाँको चाम भित्रिएको थियो ।

समीक्षा अवधिमा भारतबाट सबैभन्दा धेरै अर्थात् ४७ अर्ब ९४ करोड २१ लाख रुपैयाँ बराबरको चामल पैठारी भएको देखिन्छ । यस्तै बाँकी दुई मुलुक अमेरिका र चीनबाट क्रमशः १५ करोड १८ लाख र ६ करोड ७१ लाख रुपैयाँको चामल भित्रिएको छ ।

Leave a Reply

Your email address will not be published. Required fields are marked *