लामो दूरीमा चल्ने सार्वजनिक यातायातको भाडा २८ प्रतिशतसम्म वृद्धि
काठमाडौं, ३० असार । सरकारले लामो दुरीमा चल्ने सवारीको भाडादर बढाएको छ । सरकारले असार २९ गतेदेखि नै लागु हुने गरी २० देखि २८ प्रतिशतसम्म भाडा बढाएको हो ।
पेट्रोलियम पदार्थ र गाडीका पार्ट पूर्जाको मूल्यवृद्धिलाई मूख्य आधार बनाएर तीन स्तरमा भाडा बढाइएको हो ।
निवर्तमान भौतिक पूर्वाधार तथा यातायात मन्त्री बसन्त नेम्बाङको मन्त्रीस्तरीय निर्णयबाट अन्तर प्रदेश चल्ने सार्वजनिक यातायातको भाडादर कायम गरिएको बताइएको छ ।
जसमा सरकारले यात्रुवाहक सवारीमा २८ प्रतिशत, पहाडी बाटोमा सञ्चालन हुने मालवाहक सवारीको भाडा २० प्रतिशत र तराईको बाटोमा सञ्चालन हुने मालवाहक सवारीको भाडा २६ प्रतिशतसम्म भाडा वृद्धि गगरेको छ ।
