अर्थ सचिवमा मधु मरासिनी
काठमाडौं, १७ साउन । महालेखा नियन्त्रक मधु मरासिनीलाई सरकारले अर्थ मन्त्रालयको सचिवमा सरुवा गरेको छ । अर्थ मन्त्रालय स्रोतका अनुसार मरासिनीले अर्थसचिवको रूपमा आइतवार नै पदभार सम्हाल्ने भएका छन् ।
मरासिनी २५ वर्षदेखि अर्थ मन्त्रालय अन्तर्गत सेवारत छन्। अर्थ मन्त्रालयको बजेट महाशाखा र अन्तर्राष्ट्रिय आर्थिक सहायता समन्वय महाशाखामा उनले नेतृत्व गरिसकेका छन्।
अर्थ मन्त्रालयबाट शिशिरकुमार ढुंगानालाई भने प्रधानमन्त्री कार्यालयमा सरुवा गरिएको छ ।
