मंगलवार ५ सयले बढ्यो सुनको मूल्य

काठमाडौं, ८ भदौ । नेपाली बजारमा मंगलवार सुनको मूल्यमा ५ सय रुपैयाँले वृद्धि भएको छ । सोमवार प्रतितोला छापावाल सुनको मूल्य ९१ हजार १ सय रुपैयाँ रहेकोमा आज बढेर ९१ हजार ६ सय रुपैयाँ पुगेको नेपाल सुनचाँदी व्यवसायी महासंघले जानकारी दिएको छ ।

मंगलवार तेजावी सुनको मूल्य पनि प्रतितोला ५ सय नै बढेको छ । अघिल्लो दिन सोमवार तोलाको ९० हजार ६ सय रुपैयाँ रहेको तेजाबी सुनको भाउ आज ९१ ह्जार १ सय रुपैयाँ पुगेको हो ।

यसैगरी आज चाँदीको मूल्यमा पनि प्रतितोला रू. १० ले वृद्धि भएको छ । सोमवार प्रतितोला चाँदीको भाउ ११ सय ९० रहेकोमा आज १२ सय रुपैयाँ पुगेको महासंघले जानकारी दिएको छ ।