एकै दिनमा १४०० घट्यो सुनको मूल्य

काठमाडौं, १ असोज । शुक्रबार स्थानीय बजारमा सुनको मूल्य १४०० रुपैयाँ घटेको छ । गत बारोबार दिन ९० हजार ५०० रुपैयाँमा कारोबार भएको छापावाला सुन आज घटेर ८९ हजार १०० रुपैयाँमा कारोबार भएको हो ।

नेपाल सुनचाँदी व्यवसायी महासंघका अनुसार आज तेजावी सुन प्रतितोला ८८ हजार ६५० रुपैयाँमा कारोबार भएको छ ।
त्यस्तै आज चाँदीको मूल्य पनि ३० रुपैयाँ घटेको छ । हिजो प्रतिताला १ हजार २०० रुपैयाँमा कारोबार भएको चाँदी आज घटेर १ हजार १७० रुपैयाँमा कारोबार भइरहेको महासंघले जनाएको छ ।