रिज लाईन ईनर्जीको आईपीओ निष्कासन तथा विक्री प्रवन्धकमा प्रभु क्यापिटल

काठमाडौं, १२ असोज । रिज लाईन ईनर्जीले सर्वसाधारणलाई प्रारम्भिक सार्वजनिक (आईपीओ) निष्कासन तथा विक्री प्रवन्धकमा प्रभु क्यापिटल लिमिटेडलाई नियुक्त गरेको छ । उक्त सम्झौता मंगलबार सम्पन्न भएको हो । सम्झौतामा रिज लाईन ईनर्जीका तर्फबाट वसन्त गिरी र प्रभु क्यापिटल लिमिटेडका तर्फबाट प्रबन्ध निर्देशक दिनेश थकालीेले हस्ताक्षर गर्नुभएको छ ।

कम्पनीले गोरखा जिल्लाको अजिरकोट २ मा अवस्थित चेपे नदीमा ९.०५ मेगावाट क्षमताको सुपर चेपे हाइड्रोपावर आयोजना निर्माण गरीरहेको छ । कम्पनीले अधिकृत तथा जारी पूँजी ६९ करोड ४२ लाख ९० हजार को ३० प्रतिशतले हुन आउने रु. २० करोड ८२ लाख ८७ हजार रकम बराबरको २० लाख ८२ हजार ८ सय ७० कित्ता शेयर सर्वसाधारणमा निष्कासन गर्न लागेको जानकारी दिइएको छ ।