राष्ट्रिय वाणिज्य बैंकको पोइन्ट अफ सेल कारोबारमा क्यास ब्याक अफर

काठमाडौं, १२ असोज । राष्ट्रिय वाणिज्य बैंक लिमिटेडले दशै, तिहार, नेपाल सम्वत् एवं छठ लगायतको पर्वलाई मध्यनजर गर्दै विद्युतीय कारोबारलाई प्रोत्साहन गर्न पोइन्ट अफ सेलको माध्यमबाट प्रति कारोबार १ हजार रुपैयाँ वा सो भन्दा बढीको कार्ड स्वीप गर्दा क्यास ब्याक हुने अफर ल्याएको छ । यो योजना असोज २१ गतेदेखि कार्तिक २४ गतेसम्म लागू हुने छ ।

देशभर विभिन्न व्यवसायहरुमा रहेको पोइन्ट अफ सेल माध्यमबाट राष्ट्रिय वाणिज्य बैंकको कार्डमार्फत बैंककै कार्ड स्वीप गरी रकम भुक्तानी गर्दा कारोबारमा क्यास ब्याक हुने बैंकले जनाएको छ । यस अन्तर्गत ३ देखी ५ पटकको कार्ड स्वीपमा अधिकतम क्यास ब्या ५०० रुपैयाँ, ६ देखी १० पटकको कार्ड स्वीपमा अधिकतम क्यास ब्याक ७५० रुपैयाँ, ११ देखी १५ पटकको कार्ड स्वीपमा १ हजार रुपैयाँ मध्ये जुन कम हुन्छ सो वराबरको रकम क्यास ब्याक हुने बताइएको छ ।

बैंकको हाल २४८ वटा शाखा कार्यालय, २१६ वटा एटिएम र ९८ वटा शाखारहित बैंकिङ्गमार्फत सेवा दिँदै आएको छ ।

Leave a Reply

Your email address will not be published. Required fields are marked *