टानले ल्यायो नयाँ वेवसाइट, सदस्यता र नविकरणको शूल्क वेवबाटै तिर्न सकिने
काठमाडौं, १५ असोज । ट्रेकिङ एजेन्सिज एशोसिएसन अफ नेपाल (टान)ले नयाँ वेवसाइट लन्च गरेको छ । सदस्यहरुलाई छिटो छरितो रुपमा सेवा दिनका लागि टानले पुरानो वेवसाइटलाई विस्थापन गरेर शुक्रबार उक्त वेवसाइट लञ्च गरेको हो । उक्त वेवसाइटबाट टानमा आवद्ध सदस्यहरुले आफ्नो सदस्यता नविकरण र नयाँ सदस्यता लिनेहरुले शूल्क वेवसाइटबाट सजिलै तिर्न सक्नेछन् ।
वेवसाइटको उद्घाटन टानका अध्यक्ष खुम बहादुर सुवेदीले गरेका हुन् । वेवसाइटको उद्घाटन गर्दै अध्यक्ष सुवेदीले अब घरबाट नै सदस्यतासम्बन्धी काम गर्न सकिने जानकारी दिए ।
त्यस्तै संस्थाले गरेका गतिविधिहरुलाई नियमित रुपमा वेवसाइटबाट सार्वजनिक गरिने बताइएकोछ । उक्त वेवसाइट डिजाइन बेसलाइन नेट प्रा.लि.ले गरेको हो ।
