दशैंको विदा सकिएसँगै काठमाडौंमा चहलपहल बढ्यो

काठमाडौं, ३१ असोज । दशैंको विदा सकिएसँगै आजदेखि काठमाडौं उपत्यकामा चहलपहल बढेको छ । सरकारी कार्यालय, बैंक, वित्तिय संस्थाहरु आजदेखि खुलेसँगै चहलपहल बढेको हो ।

महानगरीय ट्राफिक प्रहरी महाशाखाका प्रवक्ता प्रहरी उपरीक्षक सञ्जीव दास शर्माले काठमाडौं उपत्यकामा आन्तरिक रुपमा चहलपहल बढ्दै गएको जानकारी दिए । बाहिरी जिल्लाबाट मानिसहरु भित्रिने क्रम पनि बढेको छ । महाशाखाका अनुसार दशैं मनाउन १२ लाखभन्दा बढीले काठमाडौं उपत्यका छोडेका थिए ।