Shangrila

आइतबार शेयर बजार ५५ अंकले बढ्यो, बैंकिङबाहेक सबै समूहमा हरियाली

काठमाडौं, १४ कात्तिक । साताको पहिलो कारोबार दिन आइतबार शेयर बजार ५५.५० अंकले वृद्धि भएको छ । गत कारोबार दिनको तुलनामा नेप्से परिसूचक १.९९ प्रतिशतले वृद्धि भएर २८३७.६१ विन्दुमा रोकिएको हो ।

आज २३२ धितोपत्रको १ करोड ३८ लाख ९९ हजार कित्ता शेयर ७ अर्ब ८२ करोड ३२ लाख रुपैयाँमा खरिद विक्री भएको छ । कारोबारमा आएका १३ समूहमध्ये बैंकिङ समूहको परिसूचक घटेको छ भने बाँकी सबै समूहको परिसूचक वृद्धि भएको छ । बैंकिङ समूह ०.१६ प्रतिशतले घटेको छ । सर्वाधिक परिसूचक वृद्धि विकास बैंक समूहको ६.५४ प्रतिशतले भएको छ ।

आज ६ वटा कम्पनीको शेयर मूल्य १० प्रतिशतले वृद्धि भएको छ । सर्वाधिक मूल्यको शेयर खरिद विक्री आँखुखोला जलविद्युत कम्पनी लिमिटेडको ३१ करोड ५७ लाख रुपैयाँको भएको छ । त्यसैगरी दोस्रोमा नविल बैंक लिमिटेडको २८ करोड ३ लाख रुपैयाँ को भएको छ ।

Leave a Reply

Your email address will not be published. Required fields are marked *