एनआईसी एशिया क्यापिटलको १०.२५ प्रतिशत प्रतिफल सहितको ‘इनकम ग्यारेन्टी फन्ड’ योजना सञ्चालनमा
काठमाडौं, ८ मंसिर । एनआईसी एशिया क्यापिटलले लगानी व्यवस्थापन सेवा पोर्टफोलिया म्यानेजमेन्ट सर्भिस)अन्तर्गत उच्च प्रतिफल सहितको इनकम ग्यारेन्टी फन्ड नामक उच्च प्रतिफल सहितको लगानी व्यवस्थापन योजना संचालन गरेको छ । विशेषगरी यो योजना नियमित आय आवश्यक पर्ने, जोखिम लिन नचाहने, अवकाशप्राप्त, गृहणी लगायतका लगानीकर्तालाई ध्यानमा राख्दै संचालनमा ल्याइएको बताइएको छ ।
यस योजनाअन्तर्गत लगानीकर्ताहरुले वार्षिक १०.२५ प्रतिशत निश्चित प्रतिफल प्राप्त गर्ने क्यापिटलले बताएको छ । कम्पनीले धितोपत्र बजार तथा मुद्रा बजारको समग्र अवस्थाको राम्रोसँग अध्ययन अनुसन्धान गरेर मात्र यस प्रकारको योजनाहरु संचालन गर्ने गरेको दाबी गरेको छ । उक्त योजनामा सहभागी हुनको लागि न्यूनतम १० लाख लगानीबाट शुरु गर्न सकिने कम्पनीद्वारा जारी विज्ञप्तिमा उल्लेख छ ।
