मौसमी प्रतिकूलताका कारण ३ सय ८० उडान प्रभावित हुने
काठमाडौं, १६ पुस । शुक्रबार बिहानैदेखिका हवाई उडान मौसमी प्रतिकूलताका कारण प्रभावित भएका छन् ।
भिजिबिलिटी नै नील भएपछि यतिखेर आन्तरिक र अन्तर्राष्ट्रिय तर्फका दर्जनौं उडान होल्डमै रहेको त्रिभुवन अन्तर्राष्ट्रिय विमानस्थल कार्यालयले जनाएको छ ।
त्रिभुवन अन्तर्राष्ट्रिय विमानस्थल कार्यालयका प्रवक्ता प्रेमनाथ ठाकुरले अहिले भिजीबिलिटी निलै भएकाले अन्तर्राष्ट्रिय र आन्तरिक उडान सबै ठप्प रहेको जानकारी दिए । उनले जजिराको दुईवटा जहाज उडानका लागि होल्डमा रहेकोले मौसम सुधार भएसँगै उडान पुनः सुरु हुने उल्लेख गरे
अन्तर्राष्ट्रिय र आन्तरिक गरी कुल तीन सय ८० वटा उडान–अवतरण तालिका छ । उनका अनुसार, शुक्रबार अन्तर्राष्ट्रियतर्फ ६० वटा उडान अवतरणको तालिका छ भने आन्तरिकतर्फ ३ सय २० वटा उडान अवतरणको तालिका छ ।
