इन्धनको मूल्य फेरि बढ्यो तर निगमको घाटा घटेन, १५ दिनमा २ अर्व ४० करोड घाटा

काठमाडौं, ६ माघ । नेपाल आयल निगमले इन्धनको मूल्य फेरि बढाएको छ। निगमले पेट्रोल, मट्टितेल, डिजेल र हवाई इन्धनको मूल्य बढाएको हो।

निगमले पेट्रोल, मट्टितेल र डिजेलको मूल्य प्रतिलिटर ३ रुपैयाँले बढाएको छ। यस्तै, हवाई इन्धन आन्तरिक उडानमा प्रतिलिटर ५ रुपैयाँ र अन्तर्राष्ट्रिय उडानमा प्रतिकिलोलिटर १०० अमेरिकी डलरले बढाएको छ।

नयाँ मूल्य सुची अनुसार पेट्रोलको मूल्य १३९ रुपैयाँ प्रतिलिटर पुगेको छ भने डिजेल तथा मट्टितेलको मूल्य १२२ रुपैयाँ प्रतिलिटर पुगेको छ। हवाई इन्धनको मूल्य आन्तरिकमा प्रतिलिटर १०६ रुपैयाँ प्रतिलिटर र अन्तर्राष्ट्रियमा ९९५ अमेरिकी डलर प्रतिकिलोलिटर पुगेको छ।

मुल्य बढाएपनि निगमलाई अझै पन्ध्र दिनमा २ अर्व २४ करोड रुपैयाँ घाटा छ ।

Leave a Reply

Your email address will not be published. Required fields are marked *