नेप्सेमा लगातार गिरावट
काठमाडौं, १२ पुस । पछिल्लो समय लगातार शेयर बजार कारोबारमा ओरालो लागेको छ । बजार परिसुचक ३८.४५ अंकले ओरालो लागेर २७७६.६१ बिन्दुमा पुगेको छ । यो अघिल्लो दिनको तुलनामा १.३७ प्रतिशतले कम हो ।
बुधबार कारोबार भएका १३ कम्पनी समुहका सबै उपसुचकमा हस आएकाले शेयर बजार ओरालो लागेको स्टक एक्सचेञ्जले जनाएको छ ।
कूल २३३ कम्पनीका ६१ हजार ४ कारोबारबाट ४ अर्ब ३१ करोड ३१ लाख ५४ हजार ४२ रुपैयाँ बराबरका ९३ लाख ५८ हजार ७ सय कित्ता शेयर किनबेच भएको स्टक एक्सचेञ्जले उल्लेख गरेको छ ।
