स्थलगत अध्ययन र राय बिना ५ वटा क्यासिनोलाई सञ्चालन अनुमति
काठमाडौं, १४ माघ। संस्कृति पर्यटन तथा नागरिक उड्डयन मन्त्री प्रेमबहादुर आलेले मनोमानी रुपमा क्यासिनोको इजाजतपत्र वितरण गरेको पाइएको छ । मन्त्री आलेले पर्यटन मन्त्रालयको जिम्मेवारी सम्हालेपछि ५ वटा क्यासिनोको इजाजतपत्र जारी भइसकेको छ ।
झापा मेचीनगरको होटल मेची क्राउनमा भेगास रिक्रियसन,नेपालगञ्जको होटल स्नेहामा क्यासिनो बेल्लिज इन्टरटेनमेन्ट, नेपालगञ्जकै होटल स्टार लाइटको भेन्यू रिक्रिएसन, नेपालगञ्जकै होटल सिटी प्यालेसस्थित सेटिएर इन्टरटेनमेन्ट र होटल कल्पतरुस्थित ओम त्रयम्बकम इन्टरटेन्मेन्ट क्यासिनोलाई मन्त्री आलेले इजाजतपत्र दिएका छन ।
अहिले क्यासिनोको संख्या २२ पुगिसकेको छ । नियमावलीअनुसार मन्त्रालयले विज्ञ समिति बनाएर प्रस्तावित क्यासिनोको स्थलगत अध्यनसहित राय दिनुपर्छ । समितिको राय अनुसार २१ दिनभित्र क्यासिनो सञ्चालनको सम्बन्धमा निर्णय गर्नुपर्ने कानुनी व्यवस्था छ । तर, मन्त्री आलेले मनोमानी इजाजतपत्र बाढिरहेका छन् ।
