स्प्यारो एस याम एस को १२ औं वार्षिकोत्सव
काठमाडौं, ६ चैत । स्प्यारो एस याम एस ले १२ औं वार्षिकोत्सव मनाएको छ । जानकी टेक्नोलोजी प्रालिले पहल गरेको स्प्यारो एस याम एस नेपालको अग्रणी एस याम एस सेवा प्रदायक संस्था भएको बताइएको छ ।
स्प्यारोले दश हजार भन्दा बढी ग्राहकहरूलाई सेवा प्रदान गरिसकेका बताइएको छ । यसले सरकारी संस्थाहरूलाई र आपतकालीन र प्राकृतिक प्रकोपको अवस्थामा पनि आफ्नो सेवा प्रदान गर्न सक्षम भएको बताइएको हो ।
सन् २०१५ को ठूलो भूकम्पको समयमा, स्प्यारो एस याम एस ले प्रामाणिक डाटा प्रदान गरेर मद्दत र स्वयंसेवकहरूको व्यवस्थापनमा महत्त्वपूर्ण भूमिका खेलेको जानकारी गराइएको हो ।
१२ औं वार्षिकोत्सवको अवसरमा, स्प्यारो एस याम एस ले थप भ्यालु एडेड सेवाहरू भाइबर बिजनेस म्यासेजिङ्ग र स्प्यारो भ्वाइस सेवाहरू पनि लन्च गर्ने बताइएको छ ।
