सुनको मूल्य घट्यो

काठमाडौं, १४ चैत । साताको दोस्रो दिन सोमबार सुनचाँदीको मूल्य घटेको छ ।

गत साता शुक्रबारको र यो साताको पहिलो दिन आइतबार सुनचाँदीको बजार मूल्य स्थिर रहेर कारोबार भए पनि दोस्रो दिन सोमबार सुनमा प्रति तोला ४ सय र चाँदीमा प्रति तोला २० रुपैयाँले घटेर कारोबार भएको नेपाल सुनचाँदी महासंघले जनाएको छ ।

आइतबार छापावाला सुन प्रति तोला १ लाख ९ सय र चाँदी प्रतितोला १४ सयमा कारोबार भएको थियो । यस्तै सोमबार मूल्य घटेर सुन प्रतितोला १ लाख ५ सय र चाँदी प्रतितोला १३ सय ८० रुपैयाँमा कारोबार भएको महासंघले सार्वजनिक गरेको तथ्यांकमा उल्लेख छ ।