बैंक तथा वित्तीय संस्थामा निक्षेपको तुलनामा कर्जाको माग तीन गुणा बढी
काठमाडौं, २२ वैशाख । नेपाल बैंकर्स संघका अनुसार वैशाख ९ देखि १६ गतेसम्म २७ वटा वाणिज्य बैंकहरुको कुल निक्षेप १ अर्बले मात्र बढ्दा कर्जा लगानी ३ अर्ब रुपैयाँले बढेको छ।
बैंकहरुले पछिल्लो हप्ता १ अर्बले निक्षेप बढाउँदै कुल ४३ खर्ब ६८ अर्ब रुपैयाँ संकलन गरेका छन् । कर्जा लगानी तर्फ तीन अर्बले बढाउँदै वैशाख १६ गतेसम्म ४१ खर्ब ९७ अर्ब रुपैयाँ लगानी गरेका छन् ।
यस्तो निक्षेप÷कर्जा अघिल्लो हप्ता बैंकहरुले कुल ४३ खर्ब ६७ अर्ब संकलन गर्दै ४१ खर्ब ९४ अर्ब लगानी गरेका थिए । निक्षेप भन्दा कर्जाको माग बढि हुँदा चालू आर्थिक वर्षदेखि नै बैंक तथा वित्तीय संस्थाले तरलता अभावको समस्या भोग्दै आएका छन ।
