सुनको मूल्य एक हजार ३ सयले घट्यो

काठमाडौं, १ जेष्ठ । यस महिना तथा साताको पहिलो दिन आइतबार सुनचाँदीको मूल्य घटेको छ ।

अघिल्लो महिनाको अन्तिम कारोबार दिन बिहीबारको तुलनामा यस महिनाको पहिलो कारोबार दिन छापावाला सुनको प्रतितोला १ हजार ३ सयले घटेको छ भने यस्तै चाँदीको मूल्य १० रुपैयाँले घटेर कारोबार भएको नेपाल सुनचाँदी महासंघले सार्वजनिक गरेको तथ्यांकमा उल्लेख छ ।

बिहीबार छापावाला सुन प्रतितोला ९७ हजार ८ सय र चाँदी प्रतितोला १२ सय ५० रुपैयाँमा कारोबार भएको थियो । यस्तै आज आइतबार मूल्य घटेर सुन प्रतितोला ९६ हजार ५ सय र चाँदीको प्रतितोला १२ सय ४० रुपैयाँमा कारोबार भएको महासंघले जनाएको छ ।