नेप्से १३.७८ अंकले उकालो
काठमाडौं, १० असार । यस साताको अन्तिम कारोबार दिन शुक्रबार शेयर कारोबार उकालो लागेको छ ।
यस दिन स्टक एक्सचेन्जमा आबद्व कम्पनीको शेयर कारोबार मापक नेप्से परिसूचक १३.७८ अंकले बढेर १८६२.०६ अंकमा पुगेको छ ।
शुक्रबार २२३ कम्पनीको ३५ लाख ४१ हजार रुपैयाँको शेयर किनबेच हुँदा १ अर्ब १५ करोड १२ लाख ८ हजार रुपैयाँ भन्दा बढीको कारोबार भएको छ ।
ठुला कम्पनिको उपसूचक २.८१ अंकले बढेर ३६४.९० अंकमा पुगेको छ । यो अघिल्लो दिनको तुलनामा ०.७८ प्रतिशतले बढी हो ।
यस्तै १३ समुहका कम्पनीको उपसूचक मध्ये यस दिन म्यूचल फण्डको बाहेक सबै समुहका कम्पनीको कारोबार बढेको छ । सबै भन्दा धेरै जिवन बीमा समुहका कम्पनीको कारोबार १३१.४६ अंकले बढेको छ ।
