शेयर बजार ओरालो लाग्ने क्रममा, कारोबार रकममा समेत गिरावट
काठमाडौं, १ जेठ । शेयर बजारमा मंगलबार कारोबार रकम कमी आएको छ । मंगलबार कुल १४३ कम्पनीहरुको ३ लाख १९ हजार २६० कित्ता शेयरको किनबेचबाट १४ करोड ९२ लाख ३९ हजार ९५५ रुपैयाँको कारोबार भएको छ ।
मंगलबार शेयर बजारको परिसुचक ४.३२ अंकले घटेको छ । यो गिरावटसंगै नेप्से परिसुचक १३३३.८५ विन्दुमा पुगेको छ ।
नेप्से परिसुचकसंगै मंगलबार कारोबार भएका १० समुहगत परिसुचक मध्ये ८ वटा समुहगत परिसुचकमा गिरावट आएको छ । यता व्यापार समुह ५.४९ अंक र उत्पादन समुह २८.१६ अंकले बढेको छ । मंगलबार वाणिज्य बैंक ४.२८, होटल ३२.९५, विकास बैंक १०.९६, जलविद्युत १३.१४, वित्त १.३३, वीमा १२.७६, अन्य समुह ०.५३ र लघुवित्त ५.६२ अंकले घटेको छ ।
