सुन प्रतितोला ७ सयले बढ्यो

काठमाडौं,२० साउन । यस साताको छैटौं कारोबार दिन शुक्रबार सुनचाँदीको मूल्य बढेको छ ।

बिहीबारको तुलनामा यस दिन छापावाला सुन प्रतितोला ७ सयले बढेको छ भने चाँदी प्रतितोला १० रुपैयाँले बढेर कारोबार भएको छ ।

यस्तै बिहीबार छापावाला सुन प्रतितोला ९६ हजार १ सय र चाँदी प्रतितोला १२ सय १० रुपैयाँमा कारोबार भएको थियो । यस्तै आज साताको छैटौं दिन शुक्रबार सुनको मूल्य बढेर प्रतितोला ९६ हजार ८ सय र चाँदीको पनि मूल्य बढेर प्रतितोला १२ सय २० रुपैयाँमा कारोबार भएको महासंघले जनाएको छ ।