फनपार्कलाई काठमाडौं महानगरको २४ घण्टे अल्टिमेटम, पार्कले बक्यौता कर तिर्नुपर्ने
काठमाडौं, १५ भदौ । काठमाडौं महानगरपालिकाले भृकुटीमण्डपस्थित काठमाडौं फनपार्कलाई २४ घण्टाभित्र कर बुझाउन निर्देशन दिएको छ ।
महानगरका राजस्व विभागका प्रमुख डा. शिवराज अधिकारीले आज पत्र लेख्दै फनपार्कले महानगरलाई बुझाउनुपर्ने कर ९व्यवसाय कर, बहाल कर, विज्ञापन कर तथा मनोरञ्जन कर० वर्षौंदेखि नबुझाएको र पटक पटक ताकेता गर्दा पनि नतिरेको उल्लेख गर्दै बुधबार हालसम्म बुझाउन बाँकी रहेको कर जरिवाना सहित तिर्न फनपार्कलाई अल्टिमेटम दिइएको हो ।
‘व्यवसाय कर र वहाल कर सम्बन्धित वडा कार्यालयमा र विज्ञापन कर तथा मनोरञ्जन कर महानगरपालिकाका राजश्व विभाग बबरमहलमा गई पत्र प्राप्त भएको मितिले २४ घण्टाभित्र सम्पूर्ण बाँकी रकम र सोको लाग्ने जरिवाना समेत दाखिला गर्न हुन अनुरोध छ’, महानगरको पत्रमा भनिएको छ ।
महानगरले तोकिएको समयमा नबुझाए फनपार्क शिलबन्दी गरी तिर्नुपर्ने राजश्व सरकारी बाँकीसरह असुल गरिने जनाएको छ ।
