४७.४६ अंकले बढ्यो शेयर बजार, १ अर्ब ४५ करोडको कारोबार
काठमाडौं, २९ भदौ । साताको चौथो कारोबार दिन बुधवार शेयर बजार ४७.४६ अंकले बढेको छ । यस दिन बजार मापक नेप्से परिसूचक २.४५ प्रतिशतले बढेर १९८१.५० अंक कायम भएको छ ।
बुधवार कारोबारमा आएका सबै समूहको उपसूचक बढेका छन् । यस दिन २२७ कम्पनीको ४६ लाख १८ हजार ५१६ कित्ता शेयर किनबेच हुँदा १ अर्ब ४५ करोड ३८ लाख रुपैयाँभन्दा बढीको कारोबार भएको छ ।
यस दिन कारोबारमा आएका समूहमध्ये वित्त कम्पनीको शेयरमूल्य सबैभन्दा धेरै ५.९३ प्रतिशतले बढेको छ ।
