राष्ट्रपतिसमक्ष आयोगले बुझायो निर्वाचन प्रतिवेदन
काठमाडौं, २९ मंसिर । निर्वाचन आयोगले प्रतिनिधिसभाको पहिलो हुने निर्वाचित हुने निर्वाचन प्रणाली र समानुपातिक निर्वाचन प्रणालीतर्फको निर्वाचन परिणामसहितको प्रतिवेदन आज राष्ट्रपतिसमक्ष बुझाएको छ । ।
शितल निवासमा आज आयोजित एक विशेष समारोहका बीच मुख्य निर्वाचन अधिकृत दिनेश कुमार थपलियाले मङ्सिर ४ गते सम्पन्न निर्वाचनको अन्तिम परिणाम राष्ट्रपति विद्यादेवी भण्डारीलाई बुझाएका हुन् । ।
सो अवसरमा राष्ट्रपति भण्डारीले लोकतन्त्र सुद्रिकरणीकरणका लागि सम्पन्न निर्वाचन महत्त्वपूर्ण रहेको बताउनुभयो ।
राष्ट्रपति भण्डारीले निर्वाचनमा सहभागी मतदाता,सुरक्षाकर्मी,राष्ट्रसेवक कर्मचारी लगायत निर्वाचन सम्पन्न गराउन प्रत्यक्ष अप्रत्यक्ष रुपमा सहयोग पुर्याउनु हुने सबैमा धन्यवाद ज्ञापन गर्नुभयो ।
आयोगले समानुपातिक निर्वाचन प्रणालीको परिणाम बुधबार घोषणा गरेसँगै प्रतिनिधिसभा तथा प्रदेशसभा सदस्य निर्वाचनको अन्तिम नतिजा प्रकाशन गरेको थियो । आयोगले नतिजा घोषणा भएको सात दिनभित्र राष्ट्रपतिसमक्ष र प्रदेशसभाको हकमा प्रदेश प्रमुखसमक्ष पठाउनुपर्ने प्रावधान छ ।
यसैगरी आगामी पुस २ गते प्रदेशसभा सदस्य निर्वाचन २०७९ को परिणामसहितको प्रतिवेदन सातै प्रदेशको राजधानीमा प्रदेशका प्रदेश प्रमुखसमक्ष आयोगका पदाधिकारीबाट प्रतिवेदन प्रस्तुत गरिने कार्यक्रम छ ।
