मेगा बैंक नेपालको शेयर कारोबार खुल्ला, समायोजित मुल्य ३११.५२ रुपैयाँ
काठमाडौं, १४ जेठ । झण्डै १६ महिना पछि मेगा बैंक नेपाल लिमिटेडको शेयर कारोबार खुल्ला गरिएको छ । २०७३ माघ महिनामा मेगा बैंक नेपाल र टुरिजम डेभलपमेन्ट बैंक एकआपसमा गाभिने सम्झौता भए पछि बैंकको शेयर कारोबार रोक्का गरिएको थियो । यी दुई बैंकहरुले एकआपसरमा गाभिएर गत वैशाख ३० गतेबाट एकिकृत कारोबार शुरु गरेका छन् । सोहि कारण नेप्सेले आज १४ जेठमा बैंकको शेयर कारोबार खुल्ला गरिएको सुचना दिएको छ ।
यस्तै नेप्सेले हकप्रद शेयर प्रयोजनको लागि मेगा बैंकको शेयर मुल्य समायोजन गरेको छ । नेप्सेले बैंकको प्रति शेयर ३११.५२ रुपैयाँमा मुल्य समायोजन गरेको छ । बैंकको आधार मुल्य ३४३.७६ रुपैयाँ रहेको छ । बैंकले ६५ प्रतिशत हकप्रद शेयर जारी गरि पुँजीकरण समेत गरिसकेको छ ।
