उतारचढावबीच सामान्य अंकले बढ्याे नेप्से, १ अर्ब ४७ करोडकाे काराेबार
काठमाडाैं, २३ माघ । सोमबार नेपाल स्टक एक्सचेन्ज नेप्से ४.५७ अंकको वृद्धि भएको छ । दिनभर उतारचढाव देखिएको बजार अन्तिममा ४.५७ अंकले बढेर २१००.६५ बिन्दुमा पुगेर बन्द भएको हाे ।
सोमबार बजारमा २५९ कम्पनीकाे ३९ लाख २२ हजार २१६ कित्ता सेयर किनबेच हुँदा १ अर्ब ४७ करोड ४१ लाख ६१ हजार ६४५ रुपैयाँ बराबरको कारोबार भएको छ ।
आज कारोबार भएका कम्पनीमध्ये १०४ वटा कम्पनीको शेयरमूल्य बढेको छ भने ९५ वटा कम्पनीको शेयरमूल्य घटेको छ । १७ वटा कम्पनीको शेयरमूल्य स्थिर रहेको छ ।
आज आदर्श लघुवित्त वित्तीय संस्थाको शेयरमूल्यमा उच्च वृद्धि भएको छ। आदर्श लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता दुई हजार ३३३ दशमलव ८० रुपैयाँ पुगेको हाे ।
यस्तै आज लक्ष्मी बैंक डिबेञ्चरको शेयरमूल्यमा सबैभन्दा बढी गिरावट भएको छ । यसको शेयरमूल्य ९ प्रतिशत भन्दा बढीले घटेको हाे ।
