तोलामा ६०० रुपैयाँले घट्याे सुनकाे मूल्य, चाँदीकाे कति ?
काठमाडाैं, १२ चैत । आइतबार नेपाली बजारमा सुनको मूल्य ओरालो लागेको छ। आज सुनको भाउ तोलामा ६०० रुपैयाँले घटेको नेपाल सुनचाँदी व्यवसायी महासंघले जनाएकाे छ ।
योसँगै आजका लागि छापावाल सुनकाे मूल्य १ लाख ९ हजार २०० रुपैयाँ कायम भएकाे छ भने तेजाबी सुनकाे मूल्य १ लाख ८ हजार ७०० रुपैयाँ कायम भएको छ।
गत शुक्रबार सुनको भाउ तोलामा ८०० रुपैयाँले बढेको थियो। यो दिन प्रतितोला फाइन गोल्ड १ लाख ९ हजार ८०० रुपैयाँ र तेजाबी गोल्ड १ लाख ९ हजार ३०० रुपैयाँमा कारोबार भएको थियो।
आज चाँदीको भाउ भने तोलामा १० रुपैयाँले बढेर १ हजार ३७० रुपैयाँ कायम भएको छ। गत शुक्रबार भने चाँदीको भाउ स्थिर रहँदै तोलाको १ हजार ३६० रुपैयाँमा कारोबार भएको थियो।
