तोलामा १ हजार ७ सय रुपैयाँले घट्याे सुनकाे मूल्य
काठमाडाैं, २१ जेठ । आइतबार नेपाली बजारमा सुनकाे मूल्य घटेकाे छ । गत शुक्रबार तोलामा ८ सय रूपैयाँले बढेकाे सुनकाे मूल्य आज एकै दिन एक हजार ७०० रुपैयाँ घटेर कारोबार भएको नेपाल सुनचाँदि व्यवसायी महासंघले जनाएकाे छ ।
गत शुक्रबार प्रतिताेला एक लाख १३ हजार ३०० रुपैयाँमा कारोबार भएको छापावाल सुनकाे मूल्य आज ताेलाकाे एक लाख ११ हजार ६०० रुपैयाँ कायम भएकाे छ । गत शुक्रबार हालसम्मकै उच्च मूल्यमा सुनको कारोबार भएको थियो ।
आज तेजाबी सुन प्रतितोला एक लाख ११ हजार ५० रुपैयाँमा कारोबार भएको छ ।
यता आज चाँदीको मूल्य पनि घटेर कारोबार भएको छ । यस दिन चाँदी प्रतितोला एक हजार ४१५ रुपैयाँमा कारोबार भइरहेको महासंघले जनाएको छ । गत शुक्रबार चाँदी प्रतितोला एक हजार ४३५ रुपैयाँमा कारोबार भएको थियो ।
