एक लाख १३ हजार नाघ्यो सुनकाे मूल्य

काठमाडाैं, ३ साउन । नेपाली बजारमा बुधबार पनि सुनकाे मूल्य बढेकाे छ । आज सुनकाे मूल्य ताेलामा ६०० रूपैयाँले बढेकाे छ । साताको चौथो दिन बुधवार बजारमा सुनको मूल्य १ लाख १३ हजार नाघेको हाे ।

नेपाल सुनचाँदी व्यवसायी महासंघका अनुसार आज छापावाल सुन तोलामा ६ सयले बढेर प्रतितोला १ लाख १३ हजार १ सय रुपैयाँ कायम भएको छ भने तेजावी सुनकाे मूल्य ताेलाकाे आज १ लाख १२ हजार ५५० रुपैयाँ कायम भएकाे छ ।

मङ्गलवार छापावाल सुन प्रतिताेला १ लाख १२ हजार ५ सय रुपैयाँमा काराेबार भएकाे थियाे भने तेजावी सुन प्रतिताेला १ लाख ११ हजार ९५० रुपैयाँमा कारोबार भएको थियाे ।

त्यस्तै नेपाल सुनचाँदी व्यवसायी महासंघका अनुसार चाँदी प्रतितोला १ हजार ४९० रुपैयाँ कायम भएको छ ।