नबिल बैंकको नाफा ७६.८६ प्रतिशतले बढ्यो, वितरणयोग्य मुनाफामा पनि वृद्धि
काठमाडौं, २१ साउन । नबिल बैंकले गत आर्थिक वर्ष २०७९/८० को चौथो त्रैमासको अपरिष्कृत वित्तीय वित्तीय सार्वजनिक गरेको छ । उक्त वित्तीय विवरण अनुसार बैंकले सात अर्ब ५२ करोड ७१ लाख रुपैयाँ नाफा आर्जन गरेको छ । बैंकका अनुसार अघिल्लो वर्षको तुलनामा नाफा ७६.८६ प्रतिशतले वृद्धि भएको हो ।
अघिल्लो आर्थिक वर्ष बैंकले चार अर्ब २५ करोड ६० लाख रुपैयाँ नाफा आर्जन गरेको थियो ।
गत वर्ष खुद ब्याज आम्दानी तथा सञ्चालन मुनाफामा बैंकले मनग्य वृद्धि गर्न सफल भएसँग नाफामा पनि वृद्धि भएको देखिन्छ ।
बैंकले गत वर्ष खुद ब्याज आम्दानी १०१.६३ प्रतिशतले वृद्धि गरेको छ । बैंकले गत वर्ष खुुद ब्याजमार्फत १७ अर्ब ९८ करोड ३२ लाख रुपैयाँ आम्दानी गरेको छ ।
गत वर्षको अन्त्यसम्म बैंकले फि तथा कमिशनबापत दुई अर्ब ८९ करोड ९१ लाख रुपैयाँ आम्दानी गरेको छ ।
सञ्चालन मुनाफाबापत गत वर्षको अन्त्यसम्म ११ अर्ब एक करोड ६० लाख रुपैयाँ आर्जन गरेको छ । अघिल्लो वर्ष यो शीर्षकमा बैंकले ६ अर्ब २८ करोड १५ लाख रुपैयाँ आर्जन गरेको थियो ।
बैंकको खराब कर्जा भने बढेको छ । गत वर्षको अन्त्यसम्म बैंकको खराब कर्जा ३.२० प्रतिशत पुुगेको छ । अघिल्लो वर्ष खराब कर्जा १.६२ प्रतिशत थियो ।
त्यस्तै गत आर्थिक वर्षसम्म तीन खर्ब ३२ अर्ब ६९ करोड ८८ लाख रुपैयाँ बैंकको कर्जा लगानी भएको छ । अघिल्लो वर्ष तीन खर्ब २० करोड ५६ लाख रुपैयाँ कर्जा लगानी भएको थियो ।
बैंकले गत आर्थिक वर्षसम्म तीन खर्ब ९५ अर्ब ८४ करोड रुपैयाँ निक्षेप संकलन गरेको छ ।
बैंकको वितरणयोग्य मुनाफा ३६.६१ प्रतिशतले बढेको छ । बैंकको गत वर्षसम्मको वितरणयोग्य मुनाफा तीन अर्ब ९६ करोड १० लाख रुपैयाँ रहेको छ । गत वर्ष यस्तो नाफा दुई अर्ब ८९ करोड ९५ लाख रुपैयाँ थियो ।
उक्त वितरणयोग्य मुनाफा अनुसार बैंकको यो वर्षको लाभांश क्षमता १४ रुपैयाँ ६४ पैसा रहेको छ ।
बैंकको चुक्तापुँजी २७ अर्ब पाँच करोड ६९ लाख ९७ हजार रुपैयाँ रहेको छ । बैंकले जगेडा कोषमा २७ अर्ब सात करोड सात लाख रुपैयाँ सञ्चित गरेको छ ।
बैंकको प्रतिशेयर नेटवर्थ २१४ रुपैयाँ ६९ पैसा रहेको छ भने प्रतिशेयर आम्दानी २७ रुपैयाँ ८२ पैसा रहेको छ ।
