सुनको मूल्य एकैदिन ताेलामा १८०० रुपैयाँले बढ्याे
काठमाडाैं, ३ कात्तिक। बिहिबार प्रतितोला ५ सय रुपैयाँले बढेको सुनको मूल्य आज पनि प्रतितोला १८ सय रुपैयाँले बढेको छ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला रू एक लाख १५ हजार ५ सय र तेजाबी सुन प्रतितोला एक लाख १४ हजार ९५० रुपैयाँ निर्धारण गरिएकाे छ। अघिल्लाे दिन छापावाल सुन प्रतिताेला रू एक लाख १३ हजार १५० र तेजाबी सुन प्रतितोला एक लाख १३ हजार १५० रुपैयाँ निर्धारण गरिएकाे थियाे ।
त्यसैगरी, आज चाँदीको मूल्यसमेत बढेकाे छ।अघिल्लाे दिन प्रतितोला १३ सय ९५ रुपैयाँमा कारोबार भएको चाँदी आज प्रतितोला १४ सय रुपैयाँमा निर्धारण गरिएकाे छ।
