भूकम्प प्रभावित जनताको लागि सिबिफिनकाे रू १० लाख आर्थिक सहयोग
काठमाडाै,१९ कात्तिक । बैंक तथा वित्तीय संस्था परिसंघ नेपाल (सिबिफिन) ले भूकम्प प्रभावित जनताकाे खोज, उद्धार, घाईतेहरुको आवश्यक औषधोपचार र राहतसहित सुरक्षित पुर्नस्थापनामा सहयोग रू १० लाख आर्थिक सहयोग गर्ने घाेषणा गरेकाे छ ।
सिबिफिनले सम्बन्धित जिल्लाका प्रमुख जिल्लाअधिकारीहरुसँग सम्पर्क गरी प्रभावित जनताको वस्तुस्थितिको वारेमा जानकारी लिएकोमा तत्काल खाद्यान्य, औषधोपचार,न्याना लत्ताकपडासहितको बसोबास अत्यावश्यक राहत सामाग्री जुटाउने र सम्बन्धित क्षेत्रमा पुर्याउने पवित्र मानवीय सेवाको कार्यमा सहयोगका लागि सम्बन्धित प्रदेश/जिल्ला तथा स्थानीय निकायहरुमा संचालित सम्पूर्ण बैंक तथा वित्तीय संस्थाहरुलाइ समेत आग्रह गरेकाे छ।
साथै, यसैगरी खुला हृदयले राहत सहयोग उपलब्ध गराइदिन समेत सम्पूर्ण बैंक तथा वित्तीय संस्थाहरुमा हार्दिक अपिल गरेकाे छ ।
साथै, दिवंगत आत्माहरुको चिर शान्तिको कामनासहित शोकाकुल परिवारजनमा हार्दिक समवेदना व्यक्त गर्दै उपचाररत सम्पूर्ण घाईतेहरुको शिघ्र स्वाथ्यलाभको हार्दिक कामना व्यक्त गरेकाे छ ।
