सिन्धुपाल्चोकको इन्द्रावतीमा न्यौपानेटार युवा क्लबकाे रक्तदान कार्यक्रम सम्पन्न
काठमाडाैं, २ माघ । सिन्धुपाल्चाेककाे न्यौपानेटार युवा क्लबले यसवर्ष पनि माघे संक्रान्तिमा रक्तदान कार्यक्रम सम्पन्न गरेकाे छ । चाडपर्वका अवसरमा विभिन्न काम गर्नेसिन्धुपाल्चोक जिल्ला इन्द्रावती गाउँपालिकामा रहेको यस युवा क्लवले ‘स्वास्थ्यको ख्याल गरौं रक्तदान गरौं ‘भन्ने मूल नाराका साथ रक्तदान कार्यक्रम गरेकाे हाे ।
उक्त रक्तदान कार्यक्रममा तीस पाउण्ड रगत जम्मा भएको छ । वृद्धवृद्धाहरूकाे स्वास्थ्यको चेकजाँच सहित क्लवले स्वास्थ्य सचेतना र रगतको महत्वबारे जानकारी गराउँदै उक्त कार्यक्रम सुरु गरिएको थियो । न्यौपानेटार युवा क्लबको आयोजना तथा नेपाल रेडक्रस सोसाइटि भक्तपुरको प्राविधिक सहयोगमा आयोजना गरिएको सो कार्यक्रम चार घण्टा सञ्चालन भएको थियो ।
रक्तदानमा सरिक हुने सम्पूर्णमा धन्यबाद र प्राविधिक सहयोग जुटाउने प्रति विशेष धन्यबाद दिँदै आगामी दिनहरूमा अझ उत्साहका साथ क्लब सामाजिक कार्यमा सरिक हुने क्लबका अध्यक्ष जयराम न्यौपानेले बताए ।
