नबिल बैंककाे नाफा ६.३८ प्रतिशतले घटेर ३ अर्ब २० करोडमा खुम्चियाे
काठमाडाैं, ७ माघ । चालु आर्थिक वर्षको दोस्रो त्रैमासमा नबिल बैंककाे नाफा ६.३८ प्रतिशतले घटेकाे छ । बैंकले सार्वजनिक गरेकाे दोस्रो त्रैमासको वित्तीय अवस्था अनुसार बैंकको नाफा ६.३८ प्रतिशतले घटेर ३ अर्ब २० करोड खुम्चिएको हाे।
गत आर्थिक वर्षको सोही अवधिमा बैंकले ३ अर्ब ४१ करोड ७६ लाख ९८ हजार रुपैयाँ नाफा आर्जन गरेको थियो।
त्यसैगरी बैंकको वितरणयोग्य मुनाफा १ अर्ब ८ करोड ७८ लाख ७६ हजार रुपैयाँ छ भने यो अवधिमा बैंकको खुद ब्याज आम्दानी ५.२४ प्रतिशतले बढेर ८ अर्ब २४ करोड ३३ लाख ४४ हजार रुपैयाँ पुगेको छ।
पुस मसान्तसम्म बैंकको सञ्चालन मुनाफा भने ६.१८ प्रतिशतले घटेर ४ अर्ब ५६ करोड ११ लाख रुपैयाँ छ।
यस्तै बैंकले ४ खर्ब २८ अर्ब ८३ करोड रुपैयाँ निक्षेप संकलन गरेको छ भने ३ खर्ब ६२ अर्ब ८७ करोड रुपैयाँ कर्जा प्रवाह गरेको छ।
