साताको शेयर बजारः ५६ अंकले घट्यो नेप्से परिसूचक, कारोबार रकम पनि घट्यो
काठमाडौं, १२ फागुन । यो साताको शेयर बजार दिनहुँ घट्दो क्रममै रह्यो । कारोबार भएका ४ दिननै शेयर बजारको घट्दो यात्रा रोकिएन । साताभर कूल ५६ दशमलव २ अंकले बजार घटेको हो ।
पहिलो कारोबार दिन आइतबार २७ दशमलव २१ अंकले घट्यो भने मंगलबार पुन १ दशमलव ७६ अंक, तेस्रो दिन ६ दशमलव ४६ अंक र चौथो दिन २० दशमलव ७६ अंक बजार घटेको हो ।
नेपाल स्टक एक्सचेञ्ज (नेप्से) का अनुसार यो साता १२ अर्ब ३३ करोड ७१ लाख रुपैयाँभन्दा बढीको ३ करोड ५९ लाख ७४ हजारभन्दा बढी कित्ता शेयर कारोबार भएको छ।
गत साताभन्दा यो साता कारोबार रकम ८ अर्ब १२ करोड ४५ लाख रुपैयाँभन्दा कम र कारोबार कित्ता २ करोड ६ लाख ४० हजारभन्दा कम भएको हो ।
औसत कारोबारमा यो साता ३ अर्ब ८ करोड ४२ लाख रुपैयाँभन्दा बढीको ८९ लाख ९३ हजारभन्दा बढी कित्ता धितोपत्र कारोबार भएको छ ।
