बुद्ध एयरले सुरु गर्यो वनारसको नियमित उडान

 ^{काठमाडौ,१६ असार ।  बुद्ध एयरले भारतीय धार्मिक सहर बनारसका लागि नियमित उडान सुरु गरेको छ । निजी क्षेत्रको वायुसेवा कम्पनी बुद्ध एयरले शुक्रबारबाट  ४७ सिट क्षमतायुक्त एटिआर४२–३२० सिरिजको जहाजबाट बनारसका लागि नियमित उडान सुरु गरेको हो ।}

^{पहिलो उडानमा जाँदा ३८ यात्रु र फकिंदा ४७ यात्रु रहेको कम्पनीले जानकारी दिएको छ। । पहिलो उडानलाई भारतको उत्तर प्रदेशका मुख्यमन्त्री योगी आदित्यनाथले स्वागत तथा बिदाइ गरेका थिए। नागरिक उड्डयन मन्त्री रवीन्द्र अधिकारीले मुलुकको पर्यटन क्षेत्रमा यसबाट असाध्यै सकारात्मक सन्देश गएको बताए ।}

^{‘वृहत सम्भावना बोकेको नेपालको पर्यटनलाई भारतीय धार्मिक सहर बनारसमा प्रवर्द्धन गर्ने र उताका पर्यटकलाई हाम्रा पशुपतिनाथ, मुक्तिथान, जानकी मन्दिर, पोखरा जस्ता गन्तव्यमा आकर्षित गर्ने उद्देश्यले नियमित उडान सुरुगरेमो बुद्धका प्रबन्ध निर्देशक वीरेन्द्रबहादुर बस्नेतले बताए ।}

^{बुद्धले काठमाडौं–बनारस सेक्टरका लागि केही वर्षदेखि ‘चार्टर’ उडान गरिरहे पनि अब प्रत्येक सोमबार र शुक्रबार नियमित दुई उडान गरको हो ।।}