सेयर बजारमा झिनो अंकको गिरावट
काठमाडौं, ३० फागुन। बुधबार नेपाल स्टक एक्सचेञ्ज (नेप्से) मा झिनो अंकको गिरावट आएको छ । आज नेप्से २ दशमलव ४८ अंकले घटेर २ हजार १०८ दशमलव ७२ विन्दुमा बन्द भएको हो ।
नेप्सेमा आज ४ अर्ब २४ करोड ८५ लाख २३ हजार रुपैयाँ बराबरको कारोबार भएको छ । आज कारोबार भएका कम्पनीमध्ये ९४ वटाको बढेको छ भने १३३ वटा कम्पनीको सेयरमूल्य घटेको छ । बाँकी १६ कम्पनीको सेयरमूल्य स्थिर रहेको छ ।
नेप्सेका अनुसार आज ४ कम्पनीको सेयरमूल्यमा सकारात्मक सर्किट लागेको छ भने सबैभन्दा बढी कारोबार शिवम् सिमेन्ट लिमिटेडको भएको छ ।
