१० अंकले घट्यो नेप्से परिसूचक
काठमाडौं, ४ चैत। साताको पहिलो कारोबार दिन आइतबार नेपाल स्टक एक्सचेञ्ज (नेप्से) परिसूचक घटेको छ । आज नेप्से १० दशमलव ६२ अंकले घटेर २ हजार ७० दशमलव २५ विन्दुमा बन्द भएको हो ।
आइतबार ८४ लाख ६ हजार कित्ता सेयर ३ अर्ब ३८ करोड ७९ लाख रुपैयाँ बराबरको कारोबार भएको छ । आज कारोबार भएका कम्पनीमध्ये ८४ वटाको बढेको छ भने १५० वटा कम्पनीको सेयरमूल्य घटेको छ । बाँकी १० कम्पनीको सेयरमूल्य स्थिर रहेको छ ।
नेप्सेका अनुसार आइतबार सप्तकोशी डेभलपमेन्ट बैंकको सेयरमूल्यमा सकारात्मक सर्किट लागेको छ भने सबैभन्दा बढी कारोबार शिवम् सिमेन्टको भएको छ ।
