आठ महिनामा जीवन बीमा कम्पनीहरुले संकलन गरे ९८ अर्ब ५३ करोड बीमा शुल्क
काठमाडौं, १२ चैत। चालु आर्थिक वर्षको ८ महिनामा बीमा कम्पनीहरुले ९८ अर्ब ५३ करोड १६ लाख रुपैयाँ कूल बीमा शुल्क संकलन गरेका छन् । नेपाल बीमा प्राधिकरणले सार्वजनिक गरेको तथ्याङ्कअनुसार फागुन मसान्तसम्म कूल बीमा शुल्क मध्ये १४ जीवन बीमा कम्पनीहरुले ९८ अर्ब ५३ करोड १६ लाख र ३ लघु जीवन बीमा कम्पनीहरुले ५ करोड ८९ लाख बीमा शुल्क संकलन गरेका हुन् ।
फागुन मसान्तसम्मको तथ्याङ्क अनुसार जीवन बीमा कम्पनीहरु मध्ये सबैभन्दा बढी नेपाल लाइफ इन्स्योरेन्स कम्पनीले २६ अर्ब ३० करोड, दोस्रोमा एलआईसी नेपालले ११ अर्ब ५७ करोड र तेस्रोमा नेशनल लाइफले ११ अर्ब ५६ करोड कूल बीमा शुल्क संकलन गरेको छ ।
सबैभन्दा कम सन नेपाल लाइफ इन्स्योरेन्सले यस अवधिमा महिनामा २ अर्ब ४७ करोड १० लाख रुपैयाँ कूल बीमा शुल्क आर्जन गरेको छ ।
